蔣家旻備婚撞正拍重頭劇幾乎分身不暇 日本完婚後與老公享受家庭旅行

34歲蔣家旻與電視製作人周永基噚日上載多張婚照同粉絲報喜，見佢身穿露肩婚紗簡潔亮麗，其中一張相見蔣家旻繑住老公回眸一笑，真係幸福滿瀉，蔣家旻接受TVB娛樂新聞台訪問時，表示佢哋兩公婆都唔敢望親友，怕忍唔住爆喊。

蔣家旻與周永基於日本舉行婚禮。

蔣家旻忙於籌備婚禮時，又要出發去布拉格拍重頭劇《巨塔之后》，幾乎分身不暇，佢喺戲份煞科後就跟隨老公飛去澳洲註冊，於家人見證下，正式成為周太，之後喺日本輕井澤舉行婚禮，佢笑指喺日本冇喊得咁勁，雖然蔣家旻喺婚禮上忍住唔喊，結果係咁流鼻涕，不過婚禮上係開心同超級感動，蔣家旻好感激朋友為佢哋而喊，而禮成之後，佢哋同家人展開日本之旅。

蔣家旻繑住老公回眸一笑，幸福滿瀉。

蔣家旻等「石之教堂」呢個婚禮場地等咗好耐，一來之前因疫情關係未有開放，二來因海外新人擺嘅日期唔係好多，蔣家旻預約足足等咗3個月，最終如願喺佢夢想婚禮場地舉行。
蔣家旻指等「石之教堂」呢個婚禮場地等咗好耐。