StarTalk丨吳慷仁拍情慾戲嗌cut即踎低 劉主平認拍水底性愛場面難度高

吳慷仁同劉主平有份主演嘅情慾電影《破浪男女》充滿話題，呢日佢哋現身TVB娛樂新聞台節目《StarTalk》訪問，吳慷仁笑指一睇劇本已經嘩嘩聲，皆因拍攝大尺度情慾戲，要同對手有共識，又要完全相信導演唔係消費情愛，大家都必須有信任感，讓工作變得順暢。

劉主平同吳慷仁接受《StarTalk》訪問。

劉主平認為水底性愛場面係難度比較高，吳慷仁坦言拍攝過程係會有羞恥心，雖然佢喺現場好似唔驚，其實心裡好緊張，當導演嗌cut，造型師就立即包住劉主平嘅身體，吳慷仁話冇人顧佢，所以每次停機都要踎低，遮一遮下體，吳慷仁又指身為男演員拍情慾戲係壓力好大，觸碰女方身體會唔會令人感到唔舒服，事前一定要跟女演員溝通好。
吳慷仁呻拍情慾戲時被冷落。吳慷仁坦言拍攝過程會有羞恥心。劉主平、吳慷仁。