張嘉兒觀完禮即登火山遊覽 試食延壽黑蛋為育兒回流加國

2007年港姐冠軍 張嘉兒 日前同其他2Line黨成員現身日本輕井澤，一齊見證 蔣家旻 嘅出閣之喜後，隨即趁機會四出遊覽，嘉兒先到訪東京嘅淺草寺參訪，之後又轉往箱根嘅大涌谷火山遊覽。

出席完蔣家旻婚禮後，張嘉兒就繼續日本旅程
嘉兒喺火山仲試食當地名物雞蛋軟雪糕仲有黑玉子。據指呢種浸過溫泉水嘅黑色蛋有延年益壽功效，佢即場試完仲猛話おいしい。

到訪箱根嘅大涌谷火山區遊覽
40歲嘅張嘉兒9年前同名門出身嘅金融業才俊結婚，婚後分別喺2016同2018年育有兩女，近年一家四口重返溫哥華生活，專心湊女之餘同時又發展自己嘅親子事業。

育有兩女嘅佢近年回流加國

一家四口不時郊遊享受親子時光