麥玲玲預告約定農夫再合作 率先透露蛇年藝人運程

麥玲玲一向以一身粉紅色套裝令人留底深刻印象，不過呢次拍攝新廣告佢就換換新造型。著上一套牛油果色套裝嘅玲玲姐睇下相當醒神，而佢呢次喺廣告更會罕有獻聲唱返兩句歌仔。過往玲玲姐同農夫合作嘅歌曲至今仍然被大家耳熟能詳，所以唔少廣告商歷年都會想玲玲姐RAP返幾句，玲玲姐笑言，陸永、C君形容見到佢喺RAP上有進步，都好「老懷安慰」。至於講到未來會唔會再同農夫合作，玲玲姐就話農夫一早同佢約好咗，所以大家可以期待一下喇！ 

麥玲玲指有機會同農夫再次合作

話咁快龍年已經過咗大半，玲玲姐預告蛇年娛樂圈會有唔少地下情以及意想不到嘅CP被發現，而姓朱、姓吳嘅藝人多加小心，因為犯太歲！但係姓朱嘅人亦極大可能好事近，玲玲姐就非常睇好朱晨麗有喜事發生，又期待朱敏瀚會唔會有好事出現。至於同朱敏瀚一度傳出閃婚傳聞嘅陳曉華，玲玲姐都有點名講！玲玲姐就話兩位配合度有八成以上，但大家命格就比較適合遠處姻緣！

佢仲預告來年會有多段地下情見光咁話