林心如為愛女聲演機械人 動畫描述母女情忍唔住爆喊

林心如呢日出席有份聲演嘅動畫片記招，佢今次聲演一個機械人，笑指全因想得到女兒小海豚讚賞，好想阿女喺大銀幕聽到阿媽嘅聲音。

林心如為一部動畫聲演機械人
呢套動畫有唔少描述母女情嘅內容，心如喺配音過程中，自己都忍唔住喊，仲回想第一日送愛女返學嘅情景，心如自爆偷偷抹眼淚。
佢仲話配音時因為劇情而落淚

心如兩年前監製同主演嘅劇集《華燈初上》入圍金鐘獎11個獎項，今年佢監製嘅劇集《有生之年》入圍今屆金鐘獎10個獎項，心如好開心見到台前幕後獲得肯定，希望所有入圍者都能夠帶嚟好消息。

佢監製嘅《有生之年》獲金鐘多項提名