吳文忻癌復發後首現身孖兩囡行騷 赴泰接受細胞治療有信心康復

吳文忻 8月時公開自己乳癌復發第三期，兼且已擴散至淋巴。正積極抗癌嘅吳文忻28號同兩位囡囡現身慈善嘉年華，亦係佢公開癌病復發後首度現身公開活動。剃光頭嘅佢戴上頭飾同兩位囡囡陳芊彤、陳施辰一齊行騷，三母女笑容燦爛，吳文忻更係精神奕奕，老公全程在場陪伴。

吳文忻公開癌症復發後首度公開現身
兩囡首次行騷非常興奮，吳文忻笑言光頭令自己增添型格，佢透露日前到泰國曼谷了解細胞治療，並即時從身體抽取1億個免疫細胞，經技術培植至220億個免疫細胞，再注入體內，佢笑言現身免疫力比在場的人更強。佢話之後會再到曼谷接受檢查，如果癌細胞被免疫細胞打敗，兼且腫瘤再無癌細胞，就可以切除，佢都期待呢日來臨。
吳文忻剃光頭髮，呢日現身精神十足

現在正面面對治療，吳文忻坦言過去兩年為保守復發秘密而壓力大，幸好公開病況後得到支持，兩囡也明白媽咪情況給予力量，早前更操刀幫佢剃光頭，吳文忻直認曾擔心光頭難看。芊彤同施辰喺訪問尾聲親吻媽咪及送上甜蜜祝福，氹得吳文忻甜在心。

囡囡向媽咪獻吻，令吳文忻有更大動力抗癌醫病

佢指早前到曼谷接受細胞治療，對病情非常有信心