企業強人｜嘉欣忙事業被友鬧「一世單身」 譚俊彥唔信冇拖拍意有所指？

熱播劇《企業強人》嘅 龔嘉欣 同 譚俊彥 仲有其他演員，呢日一齊現身商場宣傳，仲公開觀眾對劇集嘅評語，仲有人大讚嘉欣劇中同現實都係「企業強人」，早前參與餐飲生意嘅佢，呢日就公開將進軍時裝界，同好友 譚凱琪 拍住上開設網上女裝店。

《企業強人》呢日喺商場宣傳

嘉欣仲公佈同Zoie合作開網上女裝店
佢仲話會同ZoIe一直做生招牌，開直播推銷同時仲會做埋Model，周身刀嘅佢真係現實世界中嘅「方芳」呀。雖然外界有傳日籍餐飲拍檔係係緋聞男友，不過佢呢日就大呻太忙冇時間識男仔，連朋友介紹都推，搞到老友都鬧佢「一世單身」呀。Shawn就指雖然嘉欣口口聲聲非常孤單，不過唔少身邊人都係突然宣佈結婚，嘉欣就耍手擰頭狂話冇否認。
外間有傳日籍型男係佢男友，不過呢日佢就再否認

吳子冲 同 李芷晴 呢對劇中兄妹，同姜大䘙合作學到唔少嘢，仲話John哥不時提點小細節。呢日活動上又提到，「強人系列」上一部《破毒強人》，獲得2024亞洲影藝創意大獎嘅香港區最佳女主角同劇情類最佳導演獎，身為監製嘅 羅永賢 就自然高興，仲希望往後嘅「強人」續仔繼續有好成績呀。

吳子冲同李芷晴劇中扮演兄妹