49歲陳曉東跳唱考體力直接「躺平」 邀品冠做嘉賓唱《情緒男女》

陳曉東出道30周年巡迴演唱會呢日唱到台北小巨蛋，東東以白馬王子造型一連唱出多首經典歌，令現場歌迷聽得如癡如醉，恍惚行入時光隧道回到青春歲月。
呢日太太王妤嫻有現身支持，而陶喆老婆Penny同林志穎老婆陳若儀都有到場，東東問佢哋係咪都唔得閒，又多謝佢哋「拋夫棄子」嚟睇騷。

陳曉東出道30年巡迴演唱會日前舉行台北站
49歲東東亦落力跳唱考驗體力，唱完幾首快歌，東東仲拋低偶像包袱，佢先話做偶像唔容易，又指身上著嘅舞衣好重，跟住直接喺台上躺平休息。東東呢晚邀請同自己同期出道嘅品冠做嘉賓，二人合唱《情緒男女》。

東東唱到一半，仲話歌衫太重要瞓低休息一陣

呢場佢仲邀請同自己同期出道嘅品冠擔任嘉賓