嘉玲偉仔結伴重遊不丹 當年婚禮國王親身祝福

劉嘉玲 同 梁朝偉 繼日前被旅客於機艙發現，之後又於曼谷遇上一班圈中前輩，更被 胡楓 踢爆將再訪結婚之地；有世界上最快樂國度之稱嘅不丹。嘉玲亦於國慶日晚，公開此行相片，又簡單寫上：16年後，千言萬語盡在其中。

嘉玲分享同偉仔重返結婚之地嘅圖片

轉眼佢哋結婚16年，相戀更近40年
嘉玲同偉仔早喺1988年相戀，到2008年於不丹舉行婚禮，據指當年花費過千萬，當年王菲、林青霞、胡軍、陳家瑛、施南生、關錦鵬、張震、葉童等都有到賀，更連不丹國王御駕到場，為新人送上祝福。 
當年婚禮極盛大，連國王亦親臨送上祝福

據指婚禮花費逾千萬

低調又恩愛嘅偉仔嘉玲一直挽手同行

轉眼間16年過去，偉仔近年受盡國際認可，嘉玲亦樂得緊隨其後為丈夫打點工作，如同其中一幅相片，兩人並肩走過，無論任何崎嶇都能從容走過。

共處多年依然恩愛如昔