陳凱琳盼帶兒子去學滑雪 稱成專用司機後冇Me Time

陳凱琳Grace呢日着住白色閃石裙出席醫美活動，事業家庭兩頭忙嘅Grace，笑言雖然小朋友已經開咗學，但Me Time就冇多到，因為自己係3個囝囝嘅專用司機，每日朝早載完佢哋返學後，就要好趕咁去完成當日嘅工作，趕住喺4點鐘前完全工作後去到學校接返囝囝們。

Grace透露每日為接受幾個乖仔，時間都非常充實
雖然每日都忙過不停，但Grace就話覺得呢個係blessing，因為多咗時間同小朋友相處，朝早食同佢哋傾偈，而放學時小朋友又會同佢講返學嘅趣事。
雖然忙，不過佢就認為呢啲相處時間非常開心

近期愛上行山嘅Grace，自爆早前因為口多多同囝囝講好一齊去行山，但第二日佢起身就冇咗件事，自己獨自去咗行，點知原來囝囝起身後就準備好同Grace一齊去行山，所以最終佢心軟就再着返鞋同囝囝去行多次。Grace話除咗行山外，自己一直好想同兩個囝囝去滑雪，因為佢喺加拿大讀書時，都有滑開雪，所以好想小朋友都會玩呢項運動。至於問到會唔會同爸爸鄭嘉穎一齊打網球？Grace就話因為網球拍比較重，所以之前一直冇畀佢哋試，但今年應該會畀大仔試下打。

又話想教識小朋友滑雪，大個可以同自己一齊玩咁話