鄭嘉穎不教功課免影響父子情 稱早知表弟王賢誌自行申請破產

鄭嘉穎擔任「保良局兒童助養大使」多年，經已累積唔少同小朋友相處嘅經驗，貴為三子之父嘅佢，直言跟唔同年齡層嘅小朋友相處係有一定難度。
鄭嘉穎擔任「保良局兒童助養大使」多年。

嘉穎話嚟緊大仔承悅將會升讀小學，因為現時大仔讀幼稚園係冇功課，只係做吓勞作，而佢喺呢方面係可以參與，但當未來有功課需要跟進嗰陣，佢就想交畀專業人士處理，因為預計到自己跟進會傷感情。
嘉穎指自己唔會教囝囝做功課，以免傷感情。
嘉穎貴為視帝，原來大仔亦有遺傳演藝細胞，嘉穎指承悅鍾情睇周星馳嘅電影，不時會將星爺戲中嘅搞笑精警對白同歌曲去演繹，令嘉穎睇得相當開心。

對於表弟王賢誌自行入稟申請破產，嘉穎表示比大家早少少收到消息，但家人嘅事不欲多談，只希望事件能盡快順利解決。佢又指現時唔會打擾對方，問到會否施於援手時，嘉穎自言相比表弟家人嘅能力，自己只係微不足道。