電影泉攻略丨張智霖捨棄靚仔形象白髮演反派 吳鎮宇片場自閉唔慣同對手交流丨EP135

今個星期嘅《電影泉攻略》， 王鎮泉 邀請到新戲《誤判》嘅其中兩位演員吳鎮宇同張智霖作客，同大家分享戲裡戲外嘅故事。
吳鎮宇 同 張智霖 接受《電影泉攻略》訪問。
鎮宇戲中飾演律政署副署長，同飾演署長嘅汪明荃有精彩對手戲，Chilam就飾演一個律師樓嘅師爺，而且喺造型方面好有突破，要捨棄青靚白淨嘅形象，以白髮成熟look詮釋反派，Chilam話自己都好樂意跳脫框架，演繹一啲深謀遠慮嘅角色。
鎮宇戲中飾演律政署副署長。
鎮宇出咗名好戲，不過佢就自爆自己喺片場唔鍾意同對手討論劇本，只會專心喺自己嘅表演上，佢話如果事先同對手夾定演繹方法，反而達唔到百花齊放嘅最佳效果。
張智霖為角色特登留鬚。
今個星期嘅新片有《魔戒：洛汗人之戰》，故事發生喺《魔戒三部曲》嘅183年前，講述傳奇洛汗國王聖盔鎚手嘅家族故事，登蘭德之王沃夫為報父仇突襲洛汗，迫使洛汗國王同人民喺要塞號角堡背水一戰，而呢個地方就係日後嘅「聖盔谷」。面對危急形勢，聖盔鎚手之女赫拉必須鼓起勇氣，率領反抗軍對抗一心殲滅佢地嘅致命強敵。
張智霖喺戲中飾演奸角。
《超音鼠大電影3》，由占基利、奇洛李維斯等紅星配音，再次帶嚟驚心動魄嘅大冒險。今次超音鼠會同納克魯斯及塔爾斯聯手，奮力對抗來歷不明而且力量超乎佢地想像嘅新對手夏特。超音鼠同隊友如果想達成保護地球嘅使命，就必須搵到更強嘅新盟友嚟幫手喇。

本週嘅香港票房龍虎榜直至12月25號中午，第三位係《獅子王：木法沙》；第二位係《破。地獄》；而第一位就係《誤判》。