陳山聰於紅館度過48歲生日獲一眾好友於後台慶祝

鄺美雲、蘇永康、陳展鵬等多位歌手以及表演團體喺10月2號晚，齊集紅館為國慶文藝晚會演出，表演節目亦給予觀眾新鮮感，三位視帝陳山聰、陳展鵬、譚俊彥同埋姚子羚、仲有奧運六星一齊獻唱奧運主題曲。
眾星出席國慶文藝晚會。

陸浩明、鄺美雲、陳貝兒、區永權。
當中山聰可謂喜上加喜，事關呢日係佢48歲正日生日，一班好友都喺後台送上蛋糕同壽桃包為佢慶祝，佢都覺得喺紅館同一班兄弟姊妹慶祝係特別有意義，佢話前前後後已經食咗八個蛋糕。而生日願望係兄弟姊妹人人有工開同身體健康。

胡定欣
林夏薇、胡鴻鈞。吳業坤

胡定欣同林夏薇兩位視后就聯同蘇永康、林曉峰、伍詠薇、胡鴻鈞同吳業坤一齊演繹金庸武俠金曲，為咗呢次演出，定欣同薇薇都話心情緊張，要多練幾次，因為啲歌好高音，唔易唱。

陳展鵬同壽星陳山聰一齊接受訪問。譚俊彥、姚子羚、陳展鵬、陳山聰。
另外一眾新生代歌手好似詹天文、黃奕斌、文佐匡、冼靖峰、何晉樂、黃洛妍、趙紫諾、許靖韻同沈震軒等有份演出，而朱敏瀚亦罕有騷歌喉，但係大家最關心就係佢同陳曉華嘅緋聞同年底婚訊傳聞，朱仔話收到好多恭賀說話，媽咪都問佢點解自己唔知，不過朱仔澄清沒有婚訊，會畀時間Hera了解吓自己，若果有開心事就向大家講，絕對唔會秘密做大事。坤哥日前同太太去歐洲補渡蜜月，佢都有講番遇到抓手驚險事。