電影泉攻略丨傳死侍同狼人有機會聯手主持奧斯卡頒獎禮？丨EP123

王鎮泉Jeoffrey每星期為觀眾提供最熱辣電影資訊，中外猛片專訪花絮上映時間全部集齊，「電影泉攻略」個個星期陪你睇新戲。
美國演藝學院希望邀請賴恩雷諾士（Ryan Reynolds）與曉治積曼（Huge Jackman）擔任奧斯卡頒獎禮主持。
《死侍與狼人》將報名角逐下年多個重要頒獎禮嘅獎項，而幾乎肯定呢套戲會入選上年金球獎新增嘅「電影與票房成就獎」之外，據知美國演藝學院希望邀請呢對好兄弟賴恩雷諾士（Ryan Reynolds）與曉治積曼（Huge Jackman）擔任奧斯卡頒獎禮主持，暫時兩位仲未拒絕，相信影迷都希望可以成真！
容祖兒為動畫電影《荒野機械人》配音。
本周新片速遞有動畫電影《荒野機械人》改編自兒童繪本，加入宮崎駿式手繪森林背景配合CG特效嘅感覺，機械人「羅茲」遇上海難後被困喺一座無人荒島，努力學習同島上動物打成一片，更收養一隻小雁孤兒，付出百分百真摯母愛之心將佢撫育成年，直至小雁學識飛行一日，卻掀起連場翻天覆地嘅變化……容祖兒為粵語版聲演主角機械人羅茲，首次挑戰機械人角色，感動全城！
《小丑：雙瘋》
《小丑：雙瘋》 講Arthur Flick被關進阿卡漢精神病監獄等候服刑，飽受與Joker雙重身份煎熬嘅同時，遇到真命天女秒速墜入愛河。二人情路跟住思緒波動跌跌撞撞，爆發出一個離經叛道瘋狂故事。 
《再‧見熊貓福寶》
《再‧見熊貓福寶》講述首隻喺韓國誕生嘅大熊貓福寶，受到韓國市民嘅關注及擁戴，根據《瀕危物種保護公約》，福寶必須喺4歲前返回中國，飼養員姜爺爺及宋爺爺雖然唔捨得，仍然諗盡方法讓福寶活得開心，無微不至咁照顧佢，希望同福寶留下彌足珍貴嘅回憶。
 
本周票房戰況直至10月2號中午，第三位《我談的那場戀愛》、第二位《變型金剛初始篇》、第一位《武替道》。