楊茜堯羅子溢撇甩仔女賀陶婚 夫妻舊地重遊嘆美食冧爆放閃

視后楊茜堯同老公羅子溢婚後育有一對仔女小珍珠同Eden，家庭幸福美滿，夫妻只要唔使工作時就一定黐到實，呢晚茜堯同子溢難得撇甩仔女，兩人共晉晚餐賀結婚8周年紀念，夫妻一身便服配以情侶Cap帽，重臨喺2016年10月2日舉辦婚禮酒店嘅一間高級西餐慶祝。

楊茜堯同老公羅子溢共晉晚餐賀結婚8周年紀念。

茜堯同子溢坐立於落地玻璃旁邊欣賞香港夜景，一邊嘆美食飲香檳，仲獲贈一對寫上兩人名字嘅公仔，之後到食甜品時，茜堯就輕輕敲破面層朱古力見到一張小小心意卡，睇到上面嘅字眼時茜堯即心花露放。

重臨喺2016年10月2日舉辦婚禮酒店嘅一間高級西餐慶祝。
茜堯喺社交平台貼上呢幾張照片同短片後，回味當年留言指：「還是回到熟悉的地方，這裡有美麗的回憶，親切的笑容，美味的晚餐。」仲話係potterywedding(意指陶婚)、週年儀式感、温馨的晚餐。老公子溢公開感激愛妻放閃冧到爆：「多謝你，為我、為小朋友、為呢個家庭嘅付出，我們還有很多個八年，一家人齊齊整整，相親相愛。」字眼中加上多個心心Emoji及同樣地點同樣人物同樣的心。

茜堯同子溢坐立於落地玻璃旁邊欣賞香港夜景，一邊嘆美食飲香檳。
呢個閃爆眼晴嘅post真係幸福滿瀉，好多圈中好友都為茜堯同子溢陶婚送上祝福，紛紛留言指好Sweet、繼續幸福美滿、兩人越來越襯...等，令件事甜上加甜！
茜堯同子溢仲獲贈一對寫上兩人名字嘅公仔。楊茜堯同老公羅子溢婚後育有大女小珍珠同兒子Eden。茜堯輕輕敲破面層朱古力見到一張小小心意卡，睇到上面嘅字眼時茜堯即心花露放。