企業強人｜演員花車巡遊親民與途人互動 陳豪體驗奧運健兒出巡感受

熱播台慶劇《企業強人》一眾演員包括陳豪（阿Mo）、譚俊彥（Shaun）、姜大衞（John哥）、張曦雯（Kelly）等，齊齊坐花車巡遊為劇集宣傳，花車由電視城出發，途徑北角、天后、銅鑼灣、灣仔金紫荊，再去到中環，沿途吸引市民揮手應援，連隔籬車嘅乘客都把握機會打招呼兼影相大受歡迎。

《企業強人》一眾演員齊齊坐花車巡遊。

阿Mo好耐冇坐過花車巡遊，感覺好奧運，行程中令感受到運動員嘅感受。Kelly就好興奮可以同眾多粉絲互動，Shaun則不斷問途人有冇睇《企業強人》，冇就要開始睇。

姜大衞、陳豪、張曦雯、譚俊彥

劇集喺內地同香港都引起唔少話題，巡遊過程亦有好消息公布，劇集跨平台總收視得到21.9點成績，其中一日更高達23.3點，成績唔錯。隨住精彩嘅劇情發展，最近講到Shaun飾演嘅陳道明開始黑化，不過佢就強調自己絕對係好人，只係冇人相信佢，仲話只係件衫黑色，個心係紅色，好愛飾演趙愷嘅Mo，更直指對方係幕後Big Boss，劇中前女友、前妻同仰慕者都係追隨趙愷。

《企業強人》收視報捷。

John哥今次好落力為劇集宣傳，唔單止大讚劇集有口碑，宣傳行程亦好新鮮。吳子冲今次喺劇中飾演John哥嘅囝囝，佢喺前輩身上學咗好多嘢，但其中一場戲，John哥竟然反問對方意見，令佢受寵若驚。

譚俊彥與fans自拍。