Eason與國家游泳隊成員見面 冧爆贈歌賀愛女陳康堤20歲生日

陳奕迅（Eason）目前巡迴演唱會喺杭州站舉行，上周國家游泳隊王長浩、徐嘉余 、張雨霏、潘展樂去捧場，噚晚再有泳隊隊員到訪支持，孫佳俊、「洪荒少女」傅園慧、混合泳選手葉詩文等均嚟捧場。

陳奕迅巡迴演唱會喺杭州站舉行，上周國家游泳隊王長浩、徐嘉余 、張雨霏、潘展樂去捧場，噚晚再有泳隊隊員到訪支持。
孫佳俊、「洪荒少女」傅園慧、混合泳選手葉詩文等均嚟捧場。
原來孫佳俊係Eason忠實歌迷，早喺今年５月自行購票喺武漢睇Eason演唱會，今次孫佳俊喺杭州站特別學咗一句廣東話同Eason打招呼，接住又握偶像嘅手，孫佳俊又將自己參加奧運嘅整套裝備，包括泳帽、泳鏡、泳褲都送畀Eason作禮物，Eason拎住滿手禮物並笑言：「我可以假裝是國家隊去游泳了。哈哈！」
原來孫佳俊係Eason忠實歌迷！

Eason喺Talking環節嗰陣，稱自己腰有啲酸，本來冇諗住講出嚟，以免大家擔心，佢仲戴咗腰封，此時有觀眾大叫佢除衫，Eason笑笑口：「甚麼？脫衣服？我又不是吳尊……我是一塊還未煮的東坡肉，好吃不好看，哈哈哈。」
Eason喺Talking環節嗰陣稱自己腰有啲酸，仲戴咗腰封，此時有觀眾大叫佢除衫。

噚日係Eason女兒陳康堤（包包）20歲生日，包包大個女就另有節目冇睇Daddy演出，Eason喺Encore環節，向阿女包包送上《天下無雙》呢首歌，作為寶貝女做生日禮物，告訴愛女就係自己心裏至愛生命至尊嘅人。

噚日係Eason女兒陳康堤20歲生日，包包大個女就另有節目冇睇Daddy演出。