梅啟明突宣佈結婚周四見記者 兩年前遭斷關係懸紅尋母

已故逾廿年嘅一代天后 梅艷芳 胞兄 梅啟明 自梅姐離世後新聞可以話推陳出新，2022年被為佢育有兒子嘅第二任大馬籍太太指風流成性，出軌泰籍女友，當時雖低頭出聲明道歉，惟後來終離婚收場。

梅啟明突通知傳媒指將與泰籍女友結婚
梅啟明因為聲稱擁有「梅艷芳」商標，而不滿傳記式電影《梅艷芳》「侵權」發動法律行動，事後被梅媽覃美金拒見，2022年2月仲已正式登報同佢脫離關係。
本來以為事後會轉趨平靜，豈料梅啟明今日就通知傳媒，指星期四將舉行記者會，正式宣佈迎娶泰國女友May May，仲公開要求梅媽仲有照顧嫲嫲嘅侄仔梅柏麟同佢聯絡。又聲稱梅媽一直喜愛呢位女友，早年更曾送贈一隻值十多萬嘅名貴手鈪作禮物，今次結婚大小事項更需要梅媽揸主意。
早被母登報脫離關係嘅佢，又聲稱好多事要梅媽作主

曾欲到醫院探梅媽而被拒見嘅梅啟明，接受傳媒訪問時指，早前遇到已被解僱嘅梅媽看護，聲稱對方指「梅媽處境危險」，仲認為梅媽目前係被侄仔軟禁，將懸賞公開尋母。

佢仲公開懸紅要搵梅媽下落