周吉佩將舉行首次個人演唱會 場地選址海報紙飛機有寓意

周吉佩 即將舉行首次個人演唱會，呢日佢就為自己多年來嘅夢想再往前一步，拍攝個唱海報喇。呢個人生重要一步，就連吉太都一齊參與，現身為吉吉細心打點，吉吉亦為大家率先公開個唱構思。

吉吉近日為首次個唱拍攝宣傳海報

跟得夫人亦隨同打點，非常細心
佢話演唱會以人生三大階段作為主軸，呢次「第三人生」演唱會，分為初入行、樂隊時期同參加《中年好聲音》之後嘅發展，想將自己嘅人生仔細同大家好好分享咁話。吉吉又話完成比賽之後其實未有特別想開騷，只係埋首創作唔同歌曲，今次亦選址年前曾以樂隊身份演出嘅麥花臣場地再踏舞台，對佢別有一番意義。
首次以個人身份開騷，吉吉認為心情大有分別，自己亦有參與製作同創意部份，而海報中出現嘅紙飛機，亦有寓意，佢仲話要竭力令自己減低緊張感，好好享受呢次個唱呀。

佢仲指掟飛機同演唱會主題都有特別意思