StarTalk｜陳友將伴妻抗病故事搬上舞台 邀黎瑞恩重現同心共勉故事

陳友 同太太嘅真人真事故事即將搬上舞台，當時身患重病嘅陳太由擔心不久於人世，最後奇蹟痊癒嘅過程將由身歷其中嘅陳友同 黎瑞恩 為觀眾演繹，呢日佢哋接受 許文軒 嘅《StarTalk》專訪，就分享中當中嘅心情喇。

陳友將佢同太太同心抗病嘅故事搬上舞台
曾於教會多次分享其中細節嘅陳友，決定將整個故事變身成音樂劇等更多人了解，仲話因為太太同小恩子有幾分相似，而提出邀請。至於初聽故事內容腦海已有當中情境浮現嘅小恩子，亦因深被觸動而首肯參與演出。
小恩子應邀於音樂劇扮演陳友太太

小恩子早前仲特別同陳太見面，時刻觀察住對方嘅神情細節。而決意為大家公開夫妻間呢次經歷嘅陳友，雖然演出經驗豐富，但首次參演舞台劇就完全唔擔心。
過往因為演藝事業同太太關係唔算親密嘅陳友，呢日又話因為自己對家人嘅疏離，因為呢次經歷而自省當中關係。

陳友坦認當年於圈中忽視家人
至於亦經歷過婚姻破裂而放棄事業嘅小恩子，亦提到當時有如離棄歌迷，而重新投入事業發展後，兩個小朋友亦非常支持，相處如朋友一樣天南地北無所不談。