陳友將太太患病故事搬上舞台 與小恩子合演由頭喊到尾

陳友 以真實故事改篇；佢同 黎瑞恩 主演嘅音樂劇日前正式公演，一眾圈中好友好似 李亞男 彭家麗 鄺文珣 等都有捧場，而身為故事藍本嘅陳友太太Pauline亦當然係座上客之一喇。

陳友將佢同太太面對生活鉅變嘅故事搬上舞台
劇中扮演夫婦嘅陳友同小恩子，就指早喺綵排時期已經不時會因為劇情而落淚，加上友哥係故事主人翁，就當然更為感觸，而應邀參演嘅小恩子更話係每次綵排都例必落淚，可能係代入太深所致，仲話感受到陳太對友哥嘅愛非常之深厚呀。
音樂劇邀請黎瑞恩扮演陳太

兩位都係首次出演音樂劇，不過合作非常愉快，友哥仲指小恩子照顧大家可以話鉅細靡遺，仲日日投餵全體人員。而小恩子就大讚非常好玩，仲話同陳太性格有唔少相似之處呀。

大班圈中老友入場欣賞