劉德華澳門開騷4場圓滿結束 苗僑偉黃日華捧場跟住又唱又跳

劉德華 嘅巡迴演唱會日前移師澳門舉行4場演出，唔止華仔同歌迷表現興奮，就連到場欣賞嘅 苗僑偉 夫婦 仲有 黃日華 幾位識於微時嘅幾十載老友都一樣高興，佢哋仲一路邊睇邊唱，High到不得了。

同華仔一齊長大嘅華哥同三哥呢日都有到澳門欣賞演出
呢日華仔演出時依舊又唱又跳，佢仲重提日前一場，同大家講笑《十七歲》會係最後一首歌，點知觀眾就信以為真，聽完就紛紛離場。所以呢晚就唔敢亂講，仲求大家一定要睇到最後。華仔嘅巡迴演唱會將繼續舉行，稍後12月中就會返港舉行聖誕跨年場次。

華仔12月就會將演唱會移師香港舉行