黃劍文為滿足歌迷睇肌肉 加緊操練承諾台上展成果

黃劍文嚟梗22號將會舉行人生首個個人演唱會，為咗令觀眾聽到好歌，同時亦有視覺享受，劍文決定應歌迷要求操肌。

黃劍文決定應歌迷要求操肌。
凡事認真嘅佢相隔三年再踏健身室，首次跟健身教練操練，佢都話第一次已經練到周身酸痛，證明有料到，教練亦讚劍文勤力，相信到演出當日必有成果。

黃劍文話第一次已經練到周身酸痛，證明有料到。
劍文話雖然操練辛苦，但係感覺好爽，佢亦喺飲食方面配合，包括操練前食生果，練完後飲奶，佢話為咗演出乜都試吓。除咗計劃騷肌，佢亦準備排練舞步，因為演唱會有一段快歌熱舞環節，講到最期望嘅部分，佢就話係獻唱新歌，因為內容係自身經歷。