林嘉欣難忘蒙古探訪遇突發事 將赴東京影展宣傳新戲

今年四月林嘉欣以奧比斯光明大使身份，去到蒙古探訪有眼疾嘅小朋友，喺行程中佢亦遇到唔少突發事，好似又扭親腳又發燒，佢仲因為近距離目睹手術過程，而到腳軟兼標冷汗，佢亦好佩服醫生，喺缺乏儀器同人手嘅環境下，處理咁多眼疾個案。
林嘉欣呢日出席奧比斯活動。嘉欣分享早前去探訪時嘅難忘經歷。
嘉欣話佢得悉一個只有歲幾嘅小朋友要飽受眼癌之苦，佢都覺得好心悒，後來嘉欣只能送一個波氹下佢開心。
嘉欣有意舉辦陶藝工作坊。
近年醉心做陶瓷嘅嘉欣，之前除咗喺台灣舉行過陶藝展之外，亦有舉辦工作坊教授志同道合嘅朋友，可惜嘉欣自覺唔係一個好老師，事關佢話自己唔係好識教人，而且佢比較享受寧靜專注去做陶瓷，不過佢話繼續都會進行一啲同陶藝相關嘅project，而嚟緊佢亦會出席東京影展宣傳佢同張艾嘉合演嘅新戲。