徐乃麟憶汪建民數度哽咽 曾義氣為好友分擔經濟壓力

台灣藝人汪建民10月7號因肺腺癌離世，終年56歲。消息傳出當日，同汪建民交情甚好嘅主持大哥徐乃麟喺活動後台得知消息，心情難掩悲痛。乃哥喺接受訪問時雙眼紅腫，聲音哽咽，表示汪建民被爆負債累累，再到患癌離世，只係短短幾年嘅事。而人生最大打撃不外乎係事業失敗，隨後乃哥又反問：「汪建民在演藝圈這麼多年，在他最苦的時候，有人關心他嗎？」

徐乃麟呢日出席活動。活動上徐乃麟得悉好友離世消息，心情難掩悲痛。
 
汪建民生前債務纏身，更要照顧患有失智症嘅媽媽，經濟負擔沉重。乃哥得知好友情況後，唔只成日搵對方開工，更私下為汪媽媽墊付半年嘅療養院費用，仲叫汪建民千祈唔好同人講，因為呢件事只係微不足道嘅小事。乃哥表示，自己無辦法幫大忙，但至少可以籍此幫好友分擔經濟壓力，又叫汪建民好好照顧自己，非常有情有義。
汪建民生前債務纏身。