郭晉安60歲生日獲《金式森林》仔女窩心贈壽桃蛋糕 馬國明楊茜堯胡定欣眾好友齊賀壽

三屆視帝郭晉安今年5月驚爆與年輕15年嘅歐倩怡（Cindy）結束18年婚姻，安仔早前陪阿仔去英國開學，噚日10月9號係安仔60歲生日正日，一班圈中好友馬國明、楊茜堯、胡定欣、羅子溢、黃智賢、鄭子誠、王祖藍、李亞男、何廣沛、周嘉洛、羅天宇、陳曉華、何依婷及莊子璇等出席生日派對。

10月9號係郭晉安60歲生日正日。
壽星安仔最開心係邀請嘅朋友都嚟齊晒，包括曾分別合作拍《金式森林》、《白色強人》、《回歸》等劇集嘅演員，生日派對成晚氣氛好熱鬧，安仔續道：「嚟食一餐飯、影一張相就得，已經好開心，唔好買禮物，亦唔好畀任何賀禮。」

壽星安仔最開心係邀請嘅朋友都嚟齊晒，包括曾分別合作拍《金式森林》、《白色強人》、《回歸》等劇集嘅演員。
雖然壽星講明唔使送禮，不過楊茜堯同安仔一向好老友，茜堯準備咗一封利是畀安仔，更笑指係阿媽托佢拎畀安仔，搞到安仔唔好意思拒絕，而定欣就將賀禮捐咗去一個慈善機構，《金式森林》劇中嘅「阿仔」陳浚霆（Andrew）知道安仔一直好想試採耳，就買咗一部好舒服嘅採耳機畀安仔作禮物。

安仔今次一班圈中好友能夠好relax咁坐喺度，令佢好開心！
安仔又指今次一班圈中好友好relax咁坐喺度，鍾意講咩就講咩，一張枱坐滿晒廿幾人，聽到大家講湊仔女經、而家拍緊咩、講吓近況，好似一家人咁閒話家常，整個氣氛好熱鬧，而呢個亦係安仔一直好想搞嘅生日會。

呢個靚蛋糕就係佢拍《金式森林》嘅一班仔女送贈。
此外，安仔覺得最特別係嗰個壽桃生日蛋糕，影相出嚟係咁靚，呢個靚蛋糕就係佢拍《金式森林》嘅一班仔女送贈，廣沛搵一個朋友去設計，安仔要凌空切蛋糕，笑指又真係唔會跌落嚟。

安仔要凌空切蛋糕，笑指又真係唔會跌落嚟。