劉可獲葉振棠激讚變怕醜仔 感恩有幸與前輩同台合唱

殿堂級歌手葉振棠為慈善出一分力，率劉可、姚兵兩位實力唱將為10月9號嘅慈善演唱會獻唱。棠哥雖然喺6月紅館騷正式封咪，當時棠哥就講過只係唔再做個人演唱會，有關慈善嘅演出一樣會照接，回饋社會。呢晚棠哥喺舞台上亦有重提此事，希望大家唔好誤會。 

呢晚棠哥喺舞台上亦有重提封咪此事，希望大家唔好誤會。

呢晚以一身白色閃石歌衫登台嘅棠哥相當型仔，同穿著一色黑西裝嘅劉可成為「黑白配」，二人又齊齊合唱經典金曲《難為正邪定分界》、《戲劇人生》，聽到一班歌迷如痴如醉。棠哥對劉可呢位後輩亦相識有加，表示第一次聽到劉可唱《難為正邪定分界》時，就覺得：「我終於搵到一個最好嘅Partner喇！」令劉可當堂變成怕醜仔。

二人又齊齊合唱經典金曲《難為正邪定分界》、《戲劇人生》。
而作為後輩嘅劉可能夠同棠哥呢位大前輩合作亦感到相當榮幸，開騷前已經喺社交平台出Post：「終於可以同棠哥合唱佢嘅經典金曲。」以表自己對合作嘅期待，所以喺頭場結束後，劉可亦火速出Post，同大家分享佢同棠哥同台合唱嘅片段，感謝棠哥以及所有觀眾。

作為後輩嘅劉可能夠同棠哥呢位大前輩合作亦感到相當榮幸。