中年好聲音3｜大灣區新馬PK戰繼續上演 陳欣獲巫啟賢睇好力戰到底

《中年好聲音3之大灣區新馬PK戰》下半場會喺10月13號星期日上演，大灣區三大五燈歌手梁文君、高菲、潘紹麟將會上場，因為上一回大馬五燈選手王鄭浚仁賽前被睇高一線，因為選歌問題最終敗喺大灣區選手陳欣手上，就算初賽拎五燈，高菲話依然好緊張要步步為營，但佢亦勇於挑戰自己，特意選咗較高音曲目參賽，走出舒適圈。

五燈歌手梁文君。

陳欣早前則獲巫啟賢睇好可以力戰到最後，佢多謝巫老師嘅稱讚，亦希望老師嘅看重能為佢帶來幸運，會加油應戰。
巫啟賢睇好陳欣嘅戰鬥力。
來自大馬嘅何氏姐弟何平秋、何平亮唱歌實力雄厚，原來佢家族除咗爸爸係唱歌老師，仲有個好唱得嘅大佬，兩姐弟希望能齊齊再晉級。
陳欣同高菲一齊接受訪問。
伍耀東喺初賽時唔只歌聲掂，對太太嘅情深形象亦令觀眾留下深刻印象，呢日TVB娛樂新聞台主播泉叔王鎮泉，再次問起伍耀東太太對佢無私嘅支持時，佢又再忍唔住缺堤。
來自大馬嘅何氏姐弟何平秋、何平亮唱歌實力雄厚。