獨家丨張馳豪現身旺角與粉絲齊打卡 新歌融入自身故事

每次張馳豪Aska有新作品推出，佢嘅fans一定會有唔同嘅應援活動，好似呢日為咗推廣Aska嘅新歌《宇宙逃生口》，fans們就喺旺角買咗個巨型廣告板，而為答謝fans嘅支持，Aska亦都親自嚟到旺角同一眾fans一齊打卡呀！

張馳豪同fans一齊打卡。張馳豪嘅fans為佢喺旺角買咗個廣告牌應援。

Aska話見到呢塊巨型廣告板時，已經震撼到唔知講咩好，同時又好多謝fans們咁錫自己呀。今次新歌融入自身嘅故事，所以Aska話對佢嚟講意義好大，亦希望透過呢首歌傳遞啲正能量畀大家。Aska話今次首歌聽落雖然好輕快，但如果細味啲歌詞，其實內藏一個傷感嘅故事，Aska就話想借呢首歌去鼓勵大家，希望大家可以搵到自己嗰份快樂。

張馳豪嘅新歌融入自己嘅故事。