麥浚龍重啟多年前音樂企劃發展番外篇探討父女情

麥浚龍 早喺2018年12月一手策劃嘅《The Album》專輯系列，以專輯同演唱會形式呈現。今年年尾Juno將重啟呢個音樂企劃發展番外篇，喺12月舉行兩場演唱會，Juno呢日以型格打扮拍攝海報，為求效果佢更不時吞雲吐霧，打造藝術感十足嘅畫面。

今年年尾Juno將重啟音樂企劃發展番外篇。

Juno亦親自解構相隔一段時間先重啟音樂企劃嘅因由，佢指一切源自2020年12月推出最終章《The Album and the End of It》之時，專輯仲有幾首作品因為疫情擱置推出。多年來，Juno一直都想將作品用另一種方式發表，直至今年2月完成《金榜題名》演出之後，主辦商再次向Juno提及有關新企劃打算，Juno著手為未面世作品諗新角度，最終諗到透過董折女兒董浦視點，道出董折同董浦二人尤如穿越時空一段父女感情，重新認識父母的愛情故事。
Juno呢日以型格打扮拍攝海報。