港姐冠軍劉倩婷周身刀今年旺爆 獲頒榮譽博士再就任兩公職委員

2009年香港小姐冠軍 劉倩婷 雖然已經同堪輿學家 李丞責 結婚多年仲育有兩女，不過多年來工作就一直未停過。除咗先後4屆擔任港姐組織慧姸雅集嘅會長之外，近年佢亦創立慈善機構普及漢語，2023年更獲頒發十大傑出青年硃榮，係繼張瑪莉之後時隔35年嘅另一位港姐獲得呢項榮譽。

Sandy過去兩年收穫唔少榮譽

雖然已為兩女之母，不過佢一直投入唔同工作
不過Sandy嘅威水史仲未完，因為今年佢就先後獲得世界傑出華人青年獎、林肯大學亦向佢頒授榮譽博士學位，早前更獲政府委任成為撲滅罪行委員會成員，由娛樂界同慈善界跨入公職行列。
今年獲林肯大學頒授榮譽博士學位，早前佢仲同家人重返母校倫敦大學學院

到臨近年底，Sandy又因公佈好消息喇，因為近日政府再委任佢加入成為禁毒常務委員會嘅委員，政府近年已經成日提醒大家「企硬，唔Take嘢」，而佢就認為禁毒係非常有意義嘅工作，毒品對香港甚至全球都係值得關注嘅問題，仲話希望藉住禁常會明年慶祝60周年，向禁毒方向多加努力咁話。

Sandy臨近年尾仲公佈，再獲政府委任為禁毒常務委員會委員