阮兆祥澳門開騷爆大過TVB 為高齡母賀壽全場齊合唱

入行轉眼已經40年嘅 阮兆祥 日前喺澳門舉行一連兩場棟篤笑紀念，相識滿天下嘅祥師兄獲大批老友跨海支持，好似獎門人 曾志偉 錢嘉樂夫婦 林盛斌 麥美恩 林政峰 林秀怡 仲有《福祿壽訓練學院》嘅成員等等。

祥師兄舉辦兩場Talk騷慶祝入行40周年
不過最重要嘅嘉賓，就一定係多年來一直係佢堅強後盾嘅阮媽媽喇，呢日仲係阮媽媽84歲大壽，祥師兄仲邀請全場觀眾一齊為媽媽唱歌賀壽，非常溫馨。
佢又為當日84歲生日嘅媽媽祝壽

而整晚演出祥師兄唔止又唱又跳，亦爆講佢至叻嘅笑料，又食字同大家介紹進入唔同年齡階段嘅形容方法。佢仲話有計畫往後將演出帶到世界唔同地方，不過講講吓佢仲唔覺意爆出自己年齡仲大過TVB，仲叫大家以後見到佢記得嗌佢「大佬」咁話呀。

大班好友跨海支持祥師兄嘅演出