狄寶娜摩亞返港賀舊愛出道50年 移居加國多年任DJ周遊世界各地

「鬼妹仔」 狄寶娜摩亞 近日返港參與多年老友 賈思樂 嘅入行50年演唱會，非常支持相識數十載嘅好友。狄寶娜摩亞於新加坡出生，後與父親移居香港﹐1981年參加香港小姐競選，瘢選為青春小姐，後來更成為季軍。身為愛爾蘭裔混血兒嘅佢，之後即加入明珠台擔任主持工作，幾乎每晚都喺《明珠轉播站》介紹唔同節目，亦曾係《K-100》主持，又曾參與《香港82》同《鹿鼎記》，仲有電影演出。

狄寶娜摩亞當年參加港姐，意外成為季軍

Deborah嘅混血美貌當年迷倒唔少人

佢主持之外亦曾份與劇集同電影演出
現年62歲嘅Deborah一直到90年代初淡出香港幕前，移居加拿大溫哥華，後來加入當地華人電台開咪，重拾主持角色，亦於當地嫁人。Deborah同Louie當年曾有過一段戀情，雖然未有開花結果，不過友情數十年來一樣深厚，Louie到加拿大時更會居於Deborah屋企，亦同Deborah丈夫成為朋友。
移居加國後，Deborah為華人電台擔任主持至今

近日佢返港力撐賈思樂嘅音樂會

近年Deborah除咗主持電台節目之外，亦不時會到世界唔同地方旅行，社交平台就不時見到佢遊歷各地嘅靚相，今次返港亦盡情到訪香港唔同角落，又約老友見面相聚同大嘆唔同美食。

雖然當年戀情未有開花結果，不過兩人就一直係深交知己

視香港為故鄉嘅佢，此行不斷到各區遊覽留影

仲狂擦唔同美食