我推的野男Live丨姚子羚將見證冠軍野男誕生 袁偉豪任嘉賓憶港男畫面

TVB Plus 直播選秀節目《我推的野男Live》今晚(15號)將誕生野男冠軍， 袁偉豪 喺噚晚(14號)就見證四強誕生，Ben喺拉扯戰入面，未開始已經感受到一股強大力量，感覺好似被食人魚包圍一樣。睇住一班搏到盡嘅野男，Ben都憶起自己參選香港先生嘅時候，感嘆原來已經係17年前嘅事。

袁偉豪星期一晚見證《野男》四強誕生，仲感嘆自己參選港男原來已係17年前嘅事
太太張寶兒日前踏入33歲生日，Ben都為太太送上驚喜，仲有一大班閨蜜一齊慶祝，Ben話太太平日忙於照顧仔仔「袁咕碌」，趁住生日就同太太輕鬆吓。佢又講到仔仔每日都成長中，近日仲想學講嘢，感覺好奇妙。
姚子羚今晚將同陳山聰一齊見證《野男》冠軍誕生

而 姚子羚 同 陳山聰 將會喺決賽夜見證冠軍野男誕生，子羚仲喺賽前記招為四強人馬打氣，佢仲講到自己睇好邊位野男，兼且分享日前到沖繩見證妹妹行禮開心事。