愛．回家之開心速遞丨被呂慧儀當面問是否風流鬼 羅樂林急急澄清唔好搞

《愛．回家之開心速遞》嘅一眾演員扮鬼扮馬提前慶祝萬聖節，大家除咗裝扮出唔同鬼怪樣，仲一齊玩遊戲，氣氛非常熱鬧。丹爺 劉丹 話本來想打扮得犀利，點知當揀衫時，店員同丹爺講唔使買，因為佢已經係一個老鬼，非常惹笑。

《愛．回家》各位成員為萬聖節齊齊扮鬼扮馬
大龍生羅樂林就話唔了解萬聖節，只係知道小朋友會周圍攞糖食，呂慧儀乘機問大龍生咁多女人，係咪風流鬼，羅樂林即刻話呢啲唔好搞。
張景淳日前扮豹哥非常神似

張景淳日前喺劇中完美複製豹哥單立文飾演嘅熊樹仁，甚至連視后江美儀都認錯人，張景淳講返當日以熊樹仁打扮現身電視城，突然美儀姐同佢打招呼，佢就好尷尬同對方講自己唔係豹哥。
搞到連美儀姐都認錯人

《愛．回家》劇組出名有愛，古佩玲上月度過25歲，獲劇組秘密慶生，但係螢幕情侶兼緋聞男友嘅風少陳浚霆就缺席飯局，原來當日風少因為水土不服，不過佢話一定會後補請食生日飯。

古佩玲嘅25歲生日獲大家慶祝，但緋聞男友風少就竟然未見影