龍家上下齊集補祝大龍生壽誕 Rock首年同龍家過節融入家中

何晉樂 6月起加盟《愛．回家之開心速遞》，以三太之子Joe少嘅名義出現，雖然過往Rock唱歌時感情真摯，不過演起處境劇就一樣可以幽默搞笑，瞬即就大受觀眾喜愛融入家中。

Rock早前同三太、風少一齊為《歡樂滿東華》募捐善款
唔止劇集當中成為龍家一員，劇外Rock亦同龍家上下感情不俗，好似近日冬至同臨近聖誕，佢就同埋日前被發現貼地大嘆街坊食肆嘅 龍生 羅樂林 、二太 蘇恩惹 三太 樊亦敏 仲有大小姐 林淑敏 送水輝 許家傑 風少 陳浚霆 KC 歐瑞偉 Terry 李偉健 仲有早前勇獲TVB最佳員工嘅 佳叔 萬能鍾 鍾志光 齊齊食飯切蛋糕慶祝。
龍家上下近日就合體為威哥早前生日，仲有佳叔得最佳員工慶祝喇

Rock寫道：Belated 冬至快樂第一年同龍家過節日~

龍家總係充滿好多歡樂同埋笑聲~ 過時過節，最緊要齊人食餐飯！

(為咗夾大家時間 我哋偷偷地好早就食咗冬至飯啦~)

剛好又係daddy生日 同埋 佳叔叔攞獎！Happy night

蛋糕加壽桃夠晒喜慶

Rock今年6月加入《愛．回家》，旋即展現佢嘅搞笑天賦