黃劍文為個唱積極排舞 周慧敏落實擔任嘉賓

黃劍文 為首個個人演唱會，近日積極排舞，佢話有咗之前音樂劇嘅舞台經驗，令佢跳唱都有進步，劍文知今次演唱會多咗舞步要記同需要更大力量。

黃劍文近日正為個唱緊密排練

有舞蹈當然要有歌衫配合，劍文為咗個唱好勤力操肌，粉絲應該可以見到大隻劍文嘅誕生，佢話因為之前去咗佈道會，所以少咗操肌，嚟緊會加更練習，而每次操肌後都有一定效果。之前已經講咗會搵嚟譚輝智做嘉賓，劍文再有好消息公布，就係邀請到周慧敏擔任嘉賓，佢話在心中感激對方支持。

周慧敏亦已落實將擔任嘉賓

一眾歌迷亦用盡方法為Kimman打氣加油