汪明荃新歌記錄與粉絲之情 親解海報造型用於MV因由

阿姐 汪明荃 下個月就會舉行紅館演唱會，日前佢為新歌《Make My Day》拍攝MV，而呢首歌係阿姐想送畀多年嚟支持佢嘅歌迷一份心意，好希望大家喺睇演唱會之前先聽熟首歌，到時一齊喺紅館合唱。

汪阿姐為下月演唱會推出新歌，感謝Fans多年支持
阿姐好感激粉絲多年嚟嘅愛戴同支持，尤其每年佢生日時都花心思為佢慶祝。多年來力求創新嘅阿姐，創作新歌前都花盡心思，仲搵嚟未合作過嘅 林家謙 一齊合作，佢大讚家謙唱得又寫得，當初傾合作就一口答應。另外，又搵 黃偉文 填詞，由於Wyman身處英國，所以要靠電話溝通，將自己想多謝歌迷的詞意傳達畀Wyman知。
佢仲特別邀請年青一輩嘅音樂人參與創作新歌

阿姐又解構點解MV造型同演唱會海報造型係一樣，全因為佢覺得每次影完海報之後，成個造型就無用，其實係好浪費幕後嘅心血，所以今次決定用埋喺MV入面，等大家可以再欣賞。

阿姐又堅持以海報造型拍新歌MV