肥媽黑妹相隔7年再合璧開騷 「中聲2」三劍俠任嘉賓擔心被整蠱

肥媽 同 黑妹 兩位多年好姊妹，呢日宣佈將會再次聯手開騷，再次開唱嘅佢哋呢日舉行記者會，就有大班好友包括 胡楓 黃錦燊 陳曼娜 陳德森 同一眾 中聲唱將 支持，非常熱鬧。足足相隔7年先再開騷，除咗因為幾年疫情之外，仲因為肥媽參與「中聲」嘅評判工作，佢仲話因為場地太難預定，所以就要隔咁耐先再開Part 2演出喇。

相識幾十年嘅黑妹同肥媽將再次攜手開騷

即將再開騷嘅肥媽同黑妹獲大班老友親身支持
古淖文 譚輝智 同 黃劍文 將會擔任呢次演出嘅嘉賓，三位男士就話擔心被兩位阿姐整蠱，不過都會出盡所能咁話。而早前現身《愛．回家》客串嘅Kimman令人非常驚喜，連German同FC都大讚佢表現，佢兩個仲話好希望有機會可以一試客串滋味呀。

譚輝智、古淖文同黃劍文將擔任嘉賓

Kimman早前客串《愛．回家》演出，扮演小巴司機