岑杏賢獲姊妹慶祝生日 蔣家旻蜜月返港騷婚戒

踏入10月份就係 岑杏賢 嘅生日月，佢嘅生日飯真係食唔完，雖然已經離開幕前工作，但係佢同圈中一班姊妹感情深厚，尤其同 朱千雪 湯洛雯 蔣家旻 同 張嘉兒 姊妹情深到被封為「2Line黨」。

岑杏賢近日慶祝生日嘅聚會未停過

生日飯又點會少得呢幾位好姊妹吖，Jennifer喺社交平台分享姊妹飯局，雖然今次少咗張嘉兒，但係朱千雪、湯洛雯同蔣家旻都同壽星女一樣悉心打扮，Jennifer亦寫上如果生日冇咗幾位好姊妹唔叫完整，感激大家令佢每年都感受到自己的特別同被愛感覺。

呢日同2Line黨姊妹合體食飯慶祝

早前先全員去日本見證蔣家旻出嫁
其實佢哋早前先齊齊飛去日本輕井澤出席蔣家旻嘅婚禮，而新婚嘅蔣家旻亦已度完蜜月返港，喺合照中仲見到佢無名指戴上婚戒，幸福滿瀉。同Jennifer食生日飯嘅好友，仲有轉戰營商嘅楊秀惠，兩姊妹頭貼頭影咗好多溫馨相，Jennifer亦喺帖文中分講自己嘅連串生日飯行程，完全感受到佢被愛包圍。

日前佢就同轉型從商嘅楊秀惠見面喇