阿Sa淑女打扮現身賽馬活動 福岡遊充電變放電攰爆

蔡卓妍 忙完連串TWINS嘅巡迴演唱之後，呢日一身淑女打扮現身賽馬活動，早前帶病上陣演出嘅佢，就話雖然有啲辛苦，不過因為唔少家人都喺台下觀賞，所以非常有價值。阿Sa指身處加國嘅姨媽同90多高齡嘅嫲嫲都有到場，令佢非常開心。

平時個性活潑嘅阿Sa，呢日以端莊形象出現
外界有傳來年賀歲檔影片乏善可陳，不過又有傳阿Sa將會同 張繼聰 合作新片，呢日佢就確認的確會合作，不過就唔知係咪賀歲作品，但係就大讚阿聰係非常好嘅拍檔喇。
佢又話即將會同張繼聰開拍新電影，不過就唔肯定係咪來年賀歲片

除咗做嘢之外，阿Sa日前又同 容祖兒 曾樂彤 等十多人飛往福岡旅行，原先以為可以好好充電嘅佢，就話全女班成員由頭玩到尾，完全冇辦法休息喇。

佢早前同容祖兒等大班好友往福岡旅行，不過爆玩之下仲攰過開工