我推的野男Live！｜李清杰女友見證下勇奪冠軍 嘉賓陳山聰提議開拍藝員男女版

直播互動選秀節目《我推的野男Live！》15號晚決出最終冠軍，大熱門 李清杰 順利成為冠軍，而 王國昇 就獲選為 「我推的最Hot野男」，呢晚仲有 姚子羚 同 陳山聰 現場直擊比賽，山聰仲因為唔想失禮，仲特別連做幾日Gym先現身錄影廠呀。

子羚同山聰為《野男》決賽擔任嘉賓
山聰仲話見到野男們嘅強橫肌肉，都心郁郁想加強健身操練，睇到嘩嘩聲嘅佢仲大讚清杰夠晒強勁，仲提議公司再辦演員野男同野女喎。
山聰為咗呢晚睇落唔好輸蝕，仲特別操練先現身

冠軍清杰嘅女友呢晚亦現場支持，賽後仲示愛話多得女友鼓勵先可以算利勝出呀。而王師傅就話多謝網上支持自己嘅觀眾朋友，又即席為大家騷肌肉，而賽後冠軍清杰仲話要請大家食飯齊齊慶祝完賽呀。

李清杰話因為女友現場支持，自己先有更大動力爭勝

被視為熱門嘅李清杰成為Mr. Wild