周吉佩《第三人生》MV邀袁富華合作 空檔互相請教結他演戲技巧

周吉佩 近日正為演唱會密鑼緊鼓籌備，而佢為演唱會推出嘅新歌《第三人生》MV已經推出，今次吉吉仲搵埋演戲出晒名嘅 袁富華 Ben哥合作，唔止一齊演出，仲趁難得機會齊齊Jam吓歌。

周吉佩日前為新歌拍攝MV
MV中嘅吉吉加入唔少親生體驗，希望表達對人生夢想嘅堅持同執著，而Ben哥就指收到歌詞已經非常欣賞呢首歌曲，仲覺得非常揪心，覺得非常有共鳴咁話。呢日仲一直請教吉吉嘅彈結他，而吉吉就話要跟Ben哥學演戲呀。
仲邀請袁富華一齊演出

現場又齊齊交流彈結他同演戲心得

呢次Ben哥雖然只係參與拍MV，原來佢亦有唔少準備，仲話為演戲以便拍攝時有需要就隨時可以上陣，呢啲就真係可以話係專業演員嘅自我修養喇。

Ben哥指自己乜都學少少，以便拍攝有需要時隨時都可以上陣