台慶劇廉政行動2024｜林凱恩為角色學踩板飛撲墮地 最嚴重撞傷肩膊要睇跌打

林凱恩Iris喺10月21號即將播出嘅台慶劇《廉政行動2024》中飾演一位調查員，為角色需要喺劇集開拍前，佢就跟教練練習踩滑板，見佢飛撲跌落地嘅驚險畫面真係好嚇人，幸好今次只係有驚無險，連佢自都覺得好似空中飛人一樣。之前Iris學習期間，就曾經試過肩膊撞落地上，痛到要去睇跌打治療，雖然要承受痛楚，但跌完後每當Iris成功做出滑行動作都有莫名嘅滿足感。

林凱恩學踩板期間跌倒，曾經痛到要去睇跌打。
Iris喺劇中會孖住陳星妤兩位女神一齊出擊，並解構做調查員點解要街頭踩板，原來係編劇想從踩板中嘅毅力，帶出佢哋兩位新丁入行做調查員唔怕跌倒起番身，同時互相扶持勉勵感覺。
陳星妤都係初學者。
為咗喺劇中有更迫真嘅演出，Iris除咗付出皮肉之苦，更落足心機苦練，跟完教練上堂之後，自己都會惡補技巧，大家想知佢嘅成果就要留意劇集喇！