廉政行動2024｜宣傳即場沖老廉知名咖啡 山聰被饒口人名考起Kelly成舒適孕婦

台慶劇《廉政行動2024》嘅演員包括 陳山聰 張曦雯 羅子溢 陳星妤 羅天宇 許俊豪 同 韋家雄 等人，呢日齊齊為下星期一正式播映嘅新劇宣傳。仲即場為大家落手沖令人聞之色變嘅ICAC知名咖啡，而 顏志恒 亦有為大家獻唱助慶。

山聰呢日為大家省製ICAC咖啡
喺劇中飾演廉署總調查主任嘅山聰，今次演出就遇到極大難題，不過考起佢嘅就並非咩危險高難度動作，而係冗長又饒口嘅對白，加上牽涉當中案件嘅公司同人名，就搞到佢頭都暈埋喇。
佢同Kelly將負責統籌唔同案件嘅調查工作

今次劇集喺ICAC平常人難得一見嘅總部實地拍攝，山聰就指有機會深入禁地取景，更喺真正人員辦重案嘅寫字樓拍攝，感覺非常特別。
山聰又對能深入榮地拍攝非常興奮

至於首席調查主任Kelly唔止主理各項案件，劇中仲要保護未出世嘅腹中BB，首次扮孕婦嘅佢就反而話拍攝非常舒服，因為整部劇都不斷指示手下工作喎。
Kelly則因為角色有孕，所以拍攝非常舒服

子溢身為兩個小朋友嘅爸爸，工作以外自然全心投入陪子女喇，呢日佢就剖白照顧小朋友嘅心情喇。而Joey則扮演惡魔懲教人員，同平時嘅佢有極大反差，呢日佢仲話對昔日《愛．回家》當中嘅妹妹 蔣家旻 結婚未有邀請自己而懷恨在心，不過因為「馬子妮」親自致電解釋，所以先放低氣憤咁話。

羅天宇指一度對未獲邀出席「妹妹」婚禮而勞氣