鍾慧冰孖唐麗球張雪玲因選美結緣 前港姐赴澳探望好友享受豪華團

冰姐鍾慧冰近日跟多位歷屆港姐出發去澳洲探望好友鄧紫盈（Linda），同行仲有1984年港姐季軍唐麗球、1992年港姐季軍張雪玲、邵婉萍及顧慧麗，原來佢哋此行策劃超過10年，終於成行，眾人抵達悉尼後，先去食越南粉醫肚。

眾人此行策劃超過10年，終於成行。
張雪玲喺社交平台開心分享佢哋喺上機前「打卡」嘅合照，指佢哋一班唔同年代因選美而認識嘅好友，之前一直講去澳洲探其中一位好友鄧紫盈，張雪玲續道：「講咗有十幾年，因為大家有着不同角色，需要為自己家庭、生活及工作負責，大家度來度去，度咗一年，大家終於都豁出去，定下這個世紀之旅。」

冰姐鍾慧冰近日跟多位歷屆港姐出發去澳洲探望好友鄧紫盈。

眾人今次分別由加拿大及香港遠赴澳洲，佢哋都非常珍惜及期待今次嘅旅程，當地朋友亦為佢哋安排一個豪華團，而大家出發前亦分工合作，安排由香港出發嘅準備及澳洲住宿節目等，發揮各自所長，張雪玲指「未去到澳洲已經完全感受到被寵愛的感覺」。
好友亦招待佢哋去屋企食飯聚舊！