吳業坤胡鴻鈞拍住開騷鬥chok功 預告台上玩踢爆互爆黑歷史

同樣出身自《超級巨聲》嘅吳業坤同胡鴻鈞，相隔十幾年，終於有機會一齊開演唱會，呢日兩位一齊拍演唱會海報，大家嘅chok功都有返咁上下，真係不相伯仲，不過坤哥就自認chok唔過Hubert，仲搞笑話自己嘅頭大過Hubert三倍，先天條件已經冇得比。相反Hubert就大讚坤哥好可愛，話自己如果係fans，見到坤哥都會忍唔住尖叫。

胡鴻鈞同吳業坤呢日拍攝演唱會海報。
兩位難得同台，當然會為歌迷送上精選合唱歌，Hubert仲預告要喺台上玩踢爆，猛料程度連坤嫂都未必知：「有次我喺廣州，坤哥就拍完劇過來，佢同我不停盡訴心中情。」坤哥亦話會大爆二人嘅黑歷史。
兩人話會喺演唱會上互爆黑歷史。
坤哥同Hubert除咗唱得，身形都好有睇頭，問到兩位會唔會賣大包，騷下肌派福利，佢哋就大耍太極，互相推託啦！

問到會唔會騷肌，佢哋就大耍太極。