謝君豪率焚城消防兄弟騷肌拍MV Jeffrey Locker拍戲過程意外受傷

劉德華 同 莫文蔚 主演嘅電影《焚城》呢日拍攝電影歌曲《一世朋友》MV，片中一班消防員包括 謝君豪 魏浚笙 林家熙 黃愷傑 梁仲恆 以及 何啟華 ，著住消防黃金戰衣上陣演出，仲大方騷肌，令現場圍觀粉絲大飽眼福。

《焚城》嘅一班演員呢日騷肌拍攝電影主曲曲MV
謝君豪話電影已經拍完一年，再見返大家回憶即刻湧現，尤其對開喉捲喉戲份特別深刻，因為睇上去輕鬆，實際上好有難度。
謝君豪話雖然電影拍完成年，不過印象仍然相當深刻

Locker同Jeffrey喺拍攝過程中都有受傷，Locker由高處跳下扭親隻腳導致韌帶撕裂；Jeffrey就跌倒撞到塊面搞到牙齒流血，不過大家都忍痛繼續拍攝，非常敬業。
Jeffrey拍攝時撞傷，好彩靚仔容貌無損

Wesley今次一改斯文形象拍攝動作片，喺大熱天時著住重裝備拍攝，熱到幾乎中暑，雖然好辛苦，不過佢就話非常值得，尤其可以同大前輩君豪哥合作，更加係獲益良多。

一向斯文嘅Wesley話今次同大前輩合作獲益良多