林家謙認作畀汪明荃新歌繞口 笑言要將汪阿Tag傳承落去

林家謙呢日同林家熙一齊現身活動，同場仲有蔡穎恩、湯君耀等。家謙同家熙雖然唔係好熟，但講到合作可能，家熙就提議佢哋可以一齊拍返套戲演兩兄弟，咁就連名都唔使改呀！不過家謙就話自己冇拍戲經驗，又指家熙只係講下笑，叫大家唔使咁認真呀。

Locker話希望同家謙合作拍戲演兩兄弟
講到如果真係要進軍影壇，家謙就話想拍返啲認真嘅角色，等佢可以搣甩冷面笑匠嘅形象，不過家謙話拍戲始終唔係自己擅長嘅事，所以都係想專注喺歌唱事業上，好似佢早前就為汪明荃創作咗首新歌，阿姐自己都話首歌好難唱，對此家謙就表示自己有唱過呢首歌嘅Demo，都知入面有啲音係繞繞地，佢話：「但係冇辦法，咁阿姐係阿姐嘛，阿姐係可以勝任到好多嘢嘅。」所以家謙先擺晒可以擺嘅元素入首歌中。
而林家謙就指自己唔擅長演戲，都係埋首專注嘅音樂先咁話

曾經有一段時間，阿姐上載喺社交平台嘅合照中，佢會喺照片上寫上合照人嘅名，故此被網名專稱為「汪阿Tag」，不過阿姐已經棄用咗「汪阿Tag」一段時間，今次家謙就話自己將呢個「汪阿Tag」傳承落去，每次同阿姐嘅對話都會用「汪阿Tag」去tag返，以表示示尊重呀，而問到佢呢個Tag叫咩名時，家謙諗咗一陣先尷尬咁話：「汪阿Lam Tag」。至於問到阿姐有冇邀請佢去餸演唱會嘉賓？家謙就話未知，一切都順其自然呀。

為汪明荃創作新歌嘅佢，仲話要繼續傳承注阿Tag喎