企業強人｜方芳終登主席之位分享拍攝花絮 宋翹Share光頭相叫觀眾唔好喊

台慶劇《企業強人》25集轉眼播影完畢，而女強人 宋翹 張曦雯 雖然身患重症要剃光頭接受治療，不過仍奮力撰寫計劃書 ，力陳世代物流應該興建自家機場先可以狀大，最後佢同 譚俊彥 重逢亦可以話係悲傷中嘅一點甜蜜。

張曦雯同譚俊彥最後終於重聚
張曦雯 同 龔嘉欣 兩大女主角，亦分別喺社交平台分享拍攝時嘅一點一滴，由分判商成為「方芳主席」嘅Katy，就Post出唔少拍攝花絮照，又寫道：「雖然拍攝時大部份時間都需要很嚴肅，但當我們卸下角色身份時總是笑聲不斷。還有源源不絕的美食，每天搶萬歲是最艱辛的任務。多謝企業家人們，一個很有愛、很認真、很齊心的團隊！」
龔嘉欣就分享唔少幕後花絮相片

方主席得兩大型男輔助發展事業

由當日嘅分判商頭目到結局上市巨頭主席

而Kelly就分享秀髮「被剃光」嘅經過，見相中佢嘅光頭反晒光，仲留言叫大家唔好為宋翹而喊同擔心，花絮相中仲見到佢拎住攝影師嘅對焦器材學拍嘢，呢位女強人帶病都咁好學，真係抵佢做老闆。

Kelly嘅光頭造型非常像真

到底負責髮型嘅同事點可以將一大把展髮收埋到唔見咗咁呢？

Kelly果然係打機女王，專注把玩攝影大哥嘅對焦控制器，連影相都唔理